newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

మా ఓటు సరే.. నీ ఓటేది? ద్రవిడ్‌కు నెటిజన్ల ట్రోల్స్

15-04-201915-04-2019 14:50:53 IST
Updated On 15-04-2019 17:30:23 ISTUpdated On 15-04-20192019-04-15T09:20:53.617Z15-04-2019 2019-04-15T09:20:50.608Z - 2019-04-15T12:00:23.554Z - 15-04-2019

మా ఓటు సరే.. నీ ఓటేది? ద్రవిడ్‌కు నెటిజన్ల ట్రోల్స్
facebooktwitterGooglewhatsappwhatsappGoogle
దేశవ్యాప్తంగా ఎన్నికల వేడి కొనసాగుతోంది. ఓటు హక్కు వినియోగం గురించి సెలబ్రిటీలంతా లెక్చర్లు ఇస్తున్నారు. సోషల్ మీడియా వేదికగా వారంతా ప్రచారం నిర్వహిస్తున్నారు. అయితే ఆ ప్రచారం చేస్తున్న సెలబ్రిటీల ఓట్లే గల్లంతవుతున్నాయి. కారణాలు ఏవైనా ఈసీ బ్రాండ్ అంబాసిడర్లకు మాత్రం నెటిజన్ల నుంచి తీవ్రమయిన కామెంట్లు పడుతున్నాయి. టీమిండియా మాజీ కెప్టెన్, మిస్టర్ డిపెండబుల్ రాహుల్ ద్రావిడ్ విచిత్రమయిన పరిస్థితిని ఎదుర్కొంటున్నారు.

ఓటెయ్యండంటూ ద్రవిడ్ ఎంతగా ప్రచారం చేసినా ఈసారి తన ఓటు తనే వినియోగించుకోలేని పరిస్థితి. ఓటరు జాబితాలో ఆయన పేరు లేకపోవడమే ఇందుకు కారణం.  రాహుల్ ద్రావిడ్ గతంలో తన కుటుంబంతో కలిసి బెంగళూరులోని ఇందిరానగర్‌లో ఉండేవాడు. ఈ ప్రాంతం బెంగళూరు సెంట్రల్ నియోజకవర్గం పరిధిలోకి వస్తుంది. ద్రవిడ్ మల్లేశ్వరం ప్రాంతంలోని కొత్త ఇంటికి మకాం మార్చారు.

ఇది బెంగళూరు నార్త్ నియోజకవర్గం పరిధిలోకి వస్తుంది. ఈ క్రమంలో పాత నియోజకవర్గం ఓటరు జాబితా నుంచి రాహుల్ పేరును తొలగించాలని ఆయన సోదరుడు ఎన్నికల అధికారులకు ఫారం-7ను అందజేశారు. అయితే కొత్త నియోజకవర్గంలో తన పేరును చేర్చాల్సిందిగా ఓటరు వ్యక్తిగతంగా దరఖాస్తు చేసుకోవాలి. కానీ అలా జరగలేదు. 

ఎన్నికలకు నోటిఫికేషన్ వెలువడే నాటికి గడువులోగా రాహుల్ పత్రాలు సమర్పించలేదు. దీనిపై ఎన్నికల అధికారులు రాహుల్ ఇంటికి పలుమార్లు వెళ్లారు. ఆయన విదేశీ పర్యటనలో ఉన్నట్లు కుటుంబసభ్యులు చెప్పారు. దీనిపై రాహుల్ పీఏ మాట్లాడుతూ.. ద్రవిడ్ తన పాత నియోజకవర్గంలోనే ఓటు హక్కు వినియోగించుకోవాలనుకున్నారని.. ఫారం -7 ఇవ్వడం వల్ల అధికారులు ఓటును తొలగించేశారు. ఈసీ బ్రాండ్ అంబాసిడర్ అయిన రాహుల్ ఓటు వేయండని ప్రచారం చేస్తున్నారు కానీ తాను ఓటువేయలేకపోతున్నానని చెప్పలేకపోతున్నారు. ఓటు వేయమని చెప్పే రాహుల్ ద్రవిడ్‌కు ఓటు లేకపోవడంపై సోషల్ మీడియాలో రకరకాలుగా స్పందిస్తున్నారు. 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle