newssting
BITING NEWS :
* విశాఖ: పవన్‌ కల్యాణ్‌ది లాంగ్‌ మార్చ్ కాదు.. రాంగ్ మార్చ్.. పొత్తుల విషయంలో పవన్‌కు చంద్రబాబే ఆదర్శం.. ఐదేళ్లలో ఆరు పార్టీలతో పొత్తుపెట్టుకున్న ఏకైక వ్యక్తి పవన్-ఎమ్మెల్యే గుడివాడ అమర్‌నాథ్‌* భారత్ - న్యూజిలాండ్ ఫస్ట్ టీ-20: టాస్ గెలిచి ఫీల్డింగ్ ఎంచుకున్న టీమిండియా... సిరీస్‌లో మొత్తం ఐదు టీ-20లు ఆడనున్న భారత్, న్యూజిలాండ్*సీఎం జగన్ తీరుపై చంద్రబాబు ఫైర్ * కరీంనగర్ మున్సిపల్ కార్పొరేషన్ ఎన్నికల్లో కొనసాగుతున్న పోలింగ్ *హైదరాబాద్‌: ఆస్తుల కేసులో సీబీఐ కోర్టుకు హాజరైన విజయసాయిరెడ్డి, శ్రీలక్ష్మి, రాజగోపాల్, శామ్యూల్.. ఆబ్సెంట్ పిటిషన్ దాఖలు చేసిన వైఎస్ జగన్ తరపు న్యాయవాది*రిపబ్లిక్‌ డే సందర్భంగా దేశవ్యాప్తంగా హై అలర్ట్.. ఉగ్రదాడులు జరిగే అవకాశం ఉందని నిఘా వర్గాల హెచ్చరిక*తెలంగాణ: మూడు వార్డుల్లో రీపోలింగ్. కామారెడ్డి మున్సిపాలిటీ 41వ వార్డులోని 101వ పోలింగ్ కేంద్రం, బోధన్ మున్సిపాలిటీ 32వ వార్డులోని 87వ పోలింగ్ కేంద్రం, మహబూబ్‌నగర్‌ 41వ వార్డులలోని 198వ పోలింగ్ కేంద్రంలో రీపోలింగ్*హైదరాబాద్‌: నేడు ఓయూ బంద్‌కు విద్యార్థి సంఘాల పిలుపు... ప్రొఫెసర్ కాశిం అరెస్ట్‌కు నిరసనగా బంద్*నారా లోకేష్ బహిరంగ లేఖ. లేఖతో పాటుగా మండలిలో గొడవ వీడియోను రిలీజ్ చేసిన లోకేష్

నిర్భయ హంతకుల ఉరి శిక్షకు ముహూర్తం రెడీ

09-12-201909-12-2019 14:12:05 IST
Updated On 11-12-2019 10:35:30 ISTUpdated On 11-12-20192019-12-09T08:42:05.853Z09-12-2019 2019-12-09T08:29:31.648Z - 2019-12-11T05:05:30.499Z - 11-12-2019

నిర్భయ హంతకుల ఉరి శిక్షకు ముహూర్తం రెడీ
facebooktwitterGooglewhatsappwhatsappGoogle
దిశ అత్యాచారం,దారుణహత్య మనదేశంలో మహిళలపై నేరాలకు పాల్పడే వారికి ఎలాంటి శిక్షలు విధించాలనే అంశంపై మరింత చర్చకు దారితీసింది. దిశ నిందితుల ఎన్‌కౌంటర్‌ అనంతరం ప్రజల దృష్టి నిర్భయ ఘటన దోషుల ఉరిమీదకు మళ్లింది. ఘటన జరిగి ఏడేళ్ళయినా వారిని ఉరి తీయకుండా ఎందుకు కాలయాపన చేస్తున్నారని విమర్శలు వెల్లువెత్తుతున్నాయి.

ఈనెల 16న తెల్లవారుజామున 5 గంటలకు నిర్బయ నిందితులకు ఉరి వేసేందుకు అధికారులు రెడీ అవుతున్నారు. నిర్భయను దారుణంగా అత్యాచారం చేసి హింసించింది కూడా అదే రోజు కావడం గమనార్హం. 

నిర్భయ నిందితులు ఉరిశిక్ష ఆలస్యంపై రాష్ట్రపతి రాంనాథ్ కోవింద్ సైతం అసహనం వ్యక్తం చేశారు. అంతేకాదు క్షమాభిక్షకు ఆయన ఒప్పుకోలేదు. దోషులకు పడిన ఉరిశిక్షను ఎందుకు అమలు చేయడంలేదని మహిళా సంఘాలతో సహా.. పలువురు ప్రముఖులూ ప్రశ్నిస్తున్నారు. శిక్ష అమలు చేయకపోవడంపై నిర్భయ తల్లి కూడా ఆగ్రహం వ్యక్తం చేసిన సంగతి తెలిసిందే. 

మరోవైపు ఉరిశిక్ష అమలుకు తీహార్‌ జైలు అధికారులు ఏర్పాటు చేస్తున్నారు. అయితే దోషులను ఉరి తీసేందుకు జైలులో తలారి లేరని జైలు అధికారులు అంటున్నారు. దేశంలో ఉరిశిక్షలు చాలా తక్కువ సందర్భాల్లో అమలవుతున్నాయి. గత పదేళ్లలో కేవలం నలుగురిని మాత్రమే ఉరితీశారు. దీంతో జైలులో ఉరి తీసేందుకు శాశ్వత సిబ్బందిని అధికారులు నియమించడంలేదు.

నిర్భయ నిందితులును ఉరి తీయాలనే డిమాండ్‌ బలంగా వినిపిస్తుండటంతో తలారి కోసం వెతుకుతున్నారు.  నిర్భయ కేసులో దోషులకు త్వరగా ఉరి శిక్ష అమలు చేసేందుకు వీలుగా తిహార్‌ జైలులో తనను తాత్కాలిక తలారిగా నియమించాలని రాష్ట్రపతి రాంనాథ్‌ కోవింద్‌కు సిమ్లాకు చెందిన రవికుమార్‌ అనే వ్యక్తి లేఖ రాశాడు. దోషులకు ఉరి శిక్ష అమలైతే నిర్భయ ఆత్మశాంతిస్తుందని రవికుమార్ లేఖలో పేర్కొన్నాడు.

అలాగే తమిళనాడుకి చెందిన కానిస్టేబుల్ కూడా లేఖ రాశాడు. నిర్భయ హంతకులను ఉరితీసేందుకు తాను రెడీ అంటూ తీహార్ జైలు అధికారులకు లేఖ రాశాడు రామనాథపురం జిల్లా పోలీసు శిక్షణ కేంద్రంలో హెడ్‌ కానిస్టేబుల్‌గా పనిచేస్తున్న సుభాష్ శ్రీనివాసన్. నిర్భయ హంతకులను ఉరి ఎప్పుడు తీస్తారోనని యావత్ భారత దేశం ఎదురుచూస్తోంది. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle