newssting
BITING NEWS :
* చెదురుమదురు ఘటనలు మినహా తెలంగాణలో ముగిసిన మున్సిపల్‌ ఎన్నికల పోలింగ్‌*ఏపీ శాసనమండలి కీలక నిర్ఱయం.. మూడురాజధానుల బిల్లు సెలక్ట్ కమిటీకి.. టీడీపీ సంబరాలు * కేంద్రమంత్రి నిర్మలాసీతారామన్ తో * జనసేన అధ్యక్షుడు పవన కల్యాణ్‌ భేటీ..పరిపాలనా వికేంద్రీకరణ, మూడు రాజధానుల అంశంపై చర్చ..పవన్‌ వెంట పలువురు బీజేపీ నేతలు*అమరావతి: ఇన్‌సైడర్ ట్రేడింగ్‌పై విచారణకు ఏపీ అసెంబ్లీ తీర్మానం *వివాదాస్పద స్వామీజీ నిత్యానందకు బ్లూ కార్నర్ నోటీసులు జారీచేసిన ఇంటర్ పోల్ *ఏపీ: నేడు శాసనసభ కార్యక్రమాలను బహిష్కరించిన టీడీపీ.. అసెంబ్లీకి హాజరుకాకూడదని నిర్ణయం*అమరావతి: ఏపీ రాజధాని పిటిషన్ల విచారణకు హైకోర్ట్ ప్రత్యేక బెంచ్.. సీజే ఆధ్వర్యంలో ఏర్పాటైన త్రిసభ్య ధర్మాసనం*దావోస్: పెట్టుబడుల ఒప్పందాలపై నేడు మంత్రి కేటీఆర్ కీలక ప్రకటన*చైనాలో పంజా విసురుతోన్న 'కరోనా' వైరస్... ఇప్పటి వరకు 17 మంది మృతి*జోగులాంబ: ఎర్రవల్ల దగ్గర రోడ్డు ప్రమాదం... ట్రాక్టర్‌ను ఢీకొన్న కారు, ముగ్గురు మృతి

గగనతలంపై ఆంక్షలు ఎత్తివేత...అందుకేనా?

16-07-201916-07-2019 12:19:54 IST
Updated On 16-07-2019 12:20:04 ISTUpdated On 16-07-20192019-07-16T06:49:54.256Z16-07-2019 2019-07-16T06:49:34.991Z - 2019-07-16T06:50:04.359Z - 16-07-2019

గగనతలంపై ఆంక్షలు ఎత్తివేత...అందుకేనా?
facebooktwitterGooglewhatsappwhatsappGoogle
పాకిస్థాన్ తీసుకునే కొన్ని నిర్ణయాలు ఆ దేశానికే చేటు తెస్తుంటాయి. చివరాఖరికి ఆ నిర్ణయాలను సమీక్షించి నిర్ణయం తీసుకుంటుంది. తమ గగనతలం పై విధించిన ఆంక్షల్ని ఎత్తివేసినట్లు మంగళవారం పాకిస్తాన్ ప్రకటించింది.

దీంతో తమ గగనతలం భారత విమానాలకు అందుబాటులోకి రానున్నట్లు పాకిస్థాన్‌ పౌర విమానయాన సంస్థ తెలియచేసింది. గతంలో ఎయిర్‌ ట్రాఫిక్‌ సర్వీస్‌ (ఎటిఎస్‌) లో ప్రచురించిన అన్ని మార్గాల్లో విమానాలు వెళ్లవచ్చునని ప్రకటనలో పేర్కొంది.  ఈ నిర్ణయం వల్ల భారత్‌ తో పాటు పలు దేశాలకు చెందిన పౌర విమానాలు పాక్‌ మీదుగా నిర్దేశిత మార్గంలో వెళ్లే వెసులుబాటు కలుగుతుంది. 

ఫిబ్రవరిలో భారత్ వైమానికి దళం బాలాకోట్‌ పై జరిపిన సర్జికల్ దాడుల అనంతరం రెండు దేశాల మధ్య తలెత్తిన ఉద్రిక్త పరిస్థితుల నేపథ్యంలో.. పాక్‌ తమ గగనతలాన్ని మూసివేసింది. దాదాపు అయిదు నెలల తరవాత పాక్‌ ఆంక్షల్ని ఎత్తివేయడం గమనార్హం. పాక్‌ నిర్ణయం భారత విమానయాన సంస్థలకు ఊరటనిచ్చే విషయంగా చెబుతున్నారు.

దాయాది దేశం నిర్ణయంతో జులై 2 వరకు ఎయిర్‌ ఇండియా దాదాపు రూ.491 కోట్లు నష్టపోయింది. ఢిల్లీ నుంచి ఐరోపా దేశాలకు నడిపే అనేక సర్వీసుల మార్గాలను మార్చాల్సి రావడం వల్ల ఇంధనం ఎక్కువ కావడం, ఆయా దేశాలకు ట్యాక్స్ లు చెల్లించడం వల్ల ఈ నష్టం వాటిల్లింది. 

ఎయిర్ ఇండియాతో పాటు స్పైస్‌జెట్‌ రూ.30.73, ఇండిగో రూ.25.1, గోఎయిర్‌ రూ.2.1 కోట్లు నష్టపోయినట్లు ఇటీవల రాజ్యసభకు అందించిన నివేదికలో పౌర విమానయాన శాఖ మంత్రి హర్దీప్‌ సింగ్‌ పురి తెలిపారు.

పాక్‌ నిషేధం వల్ల అనేక మార్గాలను మార్చడంతో పాటు కొన్ని విమాన సర్వీసులను రద్దు చేయాల్సి వచ్చింది. ఈ ఆంక్షలతో పాక్‌ సైతం భారీగా నష్టపోయినట్లు సమాచారం. పాక్‌ నిర్ణయంపై స్పందించిన భారత్‌.. ఇరు దేశాల మధ్య అన్ని మార్గాల్లో విమానయాన ఆపరేషన్లు పునరుద్ధరిస్తున్నట్లు ప్రకటించాయి.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle