newssting
Radio
BITING NEWS :
బిహార్‌ అసెంబ్లీ ఎన్నికల తొలి దశలో 55.69 శాతం పోలింగ్‌ నమోదైనట్టు తెలిపిన ఎన్నికల కమిషన్‌. కరోనా వైరస్‌ భయాలు ఉన్నప్పటికీ పోలింగ్‌ మాత్రం ఇంతకు ముందుకన్నా ఎక్కువే నమోదైనట్టు తెలుస్తోంది. తొలి దశలో 16 జిల్లాల్లో విస్తరించిన 71 నియోజకవర్గాల్లో ఎన్నికలు జరిగగా సంబంధిత నియోజకవర్గాల్లో గతంలోకంటే ఈసారి పోలింగ్ శాతం అధికంగా నమోదు * తమ పార్టీ తరఫున బరిలో నిలిచిన రాంజీ గౌతమ్‌ అభ్యర్థిత్వాన్ని వ్యతిరేకిస్తున్న ఏడుగురు ఎమ్మెల్యేలను బీఎస్పీ అధినేత్రి మాయావతి గురువారం పార్టీ నుంచి సస్పెండ్‌ చేశారు. కీలకమైన రాజ్యసభ ఎన్నికల సమయంలో ఎస్పీ తీర్థం పుచ్చుకోవడానికి వీరు ప్రయత్నిస్తున్నట్టు తెలియగానే ఆమె ఈ నిర్ణయం తీసుకొన్నారు * కార్మిక నాయకుడు, మాజీ మంత్రి నాయిని నర్సింహారెడ్డి ముఖ్య సహచరుడు ఎస్‌.బీ మోహన్‌రెడ్డి(78) గురువారం తెల్లవారుజామున మరణించారు. ఆరునెలల నుంచి అనారోగ్యంతో బాధపడుతున్న మోహన్‌ రెడ్డి ఆరోగ్యం విషమించగా ఆంధ్రమహిళా సభ దవాఖానలో చేర్పించగా చికిత్స పొందుతూ మృతి చెందారు * జమ్ముకశ్మీర్‌లోని కుల్గాం జిల్లాలోని వైకే పొరా ప్రాంతంలో గురువారం సాయంత్రం ఉగ్రవాదులు కాల్పులు జరిపి ముగ్గురు స్థానిక బీజేపీ నేతల ప్రాణాలు తీశారు. పాకిస్థాన్‌ ఇంటెలిజన్స్‌ ఏజెన్సీ మద్దతున్న రెసిస్టంట్‌ ఫ్రంట్‌ ఉగ్రవాద సంస్థ ఈ దాడికి బాధ్యతవహిస్తూ ప్రకటన చేసిందని పోలీసులు చెప్పారు * తూర్పుగోదావరి జిల్లాలో ఘోర ప్రమాదం చోటుచేసుకుంది. గోకవరం మండలం తంటికొండ వెంకటేశ్వర ఆలయం ఘాట్‌ రోడ్డులో శుక్రవారం తెల్లవారుజామున పెళ్లి బృందానికి చెందిన మినీ వ్యాన్ బోల్తా పడింది. ఈ ప్రమాదంలో ఆరుగురు అక్కడికక్కడే మృతి చెందగా, మరొకరు ఆసుపత్రిలో చికిత్స పొందుతూ మృతి చెందారు * డోసుల కొరత కారణంగా.. స్పుత్నిక్‌-వి టీకా మూడో దశ ట్రయల్స్‌ను రష్యా తాత్కాలికంగా నిలిపివేసింది. నవంబరు 10వ తేదీ నుంచి ట్రయల్స్‌ను పునరుద్ధరించనున్నారు. గమలేయా రీసెర్చ్‌ ఇన్‌స్టిట్యూట్‌, రష్యన్‌ రక్షణ మంత్రిత్వ శాఖ అభివృద్ధి చేసిన స్పుత్నిక్‌-వి టీకాను రష్యా ఆగస్టు నెలలో నమోదు చేసింది * మద్యం ధరలను క్రమబద్ధీకరిస్తూ ఏపీ ప్రభుత్వం గురువారం ఆదేశాలు జారీ చేసింది. సవరించిన ధరలు ప్రీమియం, మీడియం బ్రాండ్లకు వర్తించేలా ఉత్తర్వులిచ్చింది. ఇవి శుక్రవారం నుంచి అమల్లోకి వస్తాయని ఆదేశాల్లో పేర్కొంది * మిలాద్‌ ఉన్‌ నబీ ఉత్సవాలు, ర్యాలీ సందర్భంగా పాతబస్తీలో పోలీసులు బందోబస్తు చర్యలు చేపట్టారు. ట్రాఫిక్‌ ఆంక్షలు విధించారు.

కరోనా వైరస్ మూడోదశను భారత్ తట్టుకోగలదా?

24-03-202024-03-2020 07:23:40 IST
2020-03-24T01:53:40.641Z24-03-2020 2020-03-24T01:53:38.246Z - - 30-10-2020

కరోనా వైరస్ మూడోదశను భారత్ తట్టుకోగలదా?
facebooktwitterGooglewhatsappwhatsappGoogle
కరోనా వైరస్ వ్యాప్తి నిరోధం విషయంలో ఇంతవరకు భారత్ అనుసరిస్తున్న విధానం ప్రశంసనీయమే కాకుండా చాలావరకు సత్ఫలితాలనే ఇచ్చిందనడం వాస్తవం. విమానాశ్రయంలోనే ప్రయాణీకులందరికీ స్క్రీనింగ్ పరీక్ష జరపడం, ప్రజల్లో జాగరూకత పెంచడం, సందేహం వచ్చిన అన్ని ప్రాంతాల్లో కరోనా వైరస్ బారిన పడినవారి వివరాలకోసం గాలించడం వంటి అన్ని చర్యలూ ఇంతవరకు సరైన మార్గంలోనే వెళుతున్నాయి. కానీ కరోనావైరస్ మూడోదశలో కమ్యూనిటీ మొత్తానికి వైరస్ సోకే ప్రమాదం ప్రబలంగా ఉండటంతో వైరస్ కేసులు కుప్పలు తెప్పలుగా నమోదయ్యే అవకాశం ఉందని భీతిల్లుతున్నారు. ప్రమాదకరమైన మూడో దశకు చేరుతున్నందున ఈ సంక్షోభాన్ని ఎదుర్కోగలిగిన సాధన సంపత్తి భారత్‌కు లేదన్నది వాస్తవం.

ఇలాంటి పరిస్థితి ఎదురుకాదనే ఆశిద్దాం. ఒకవేళ ఈ పరిస్థితి ఎదురైతే భారత్ వైరస్ పరీక్షా కేంద్రాలను యుద్ధ ప్రాతిపదికన విస్తరించాల్సిన అవసరం ఉంది. రామ్ మనోహర్ లోహియా ఆసుపత్రికి అనుమానం మీద వచ్చి కరోనా పరీక్షలు చేయించుకోవాలనున్న వందలాది వ్యక్తులకు పరీక్షే చేయకుండా పంపించేశారు. కారణం వీరు వైరస్ బారినపడిన దేశాలనుంచి తిరిగి రాలేదు. పైగా వైరస్ సోకిన వ్యక్తులతో వీరిలో ఎవరికీ కాంటాక్టు లేదు. అయితే పొరపాటున వీరిలో ఎవరికైనా కరోనా వైరస్ ఉండి ఉంటే అలాంటి వ్యక్తి ఇప్పటికే ఎంతమందికి కరోనా వైరస్‍‌ను అంటించివుంటారు అనేది ఊహించడానికి కూడా భయమేస్తుంది. కానీ భారతీయ వైద్య వ్యవస్థ ఇలాంటి సంభావ్యతల గురించి ఏమాత్రం పట్టించుకోవడం లేదు. ఇలాంటి పేలవమైన పరిస్థితుల్లో భారత్‌లో కరోనా వైరస్ మూడవ దశ ప్రారంభమైందంటే ఊహకందని ప్రమాదం తప్పదని అంతర్జాతీయ నిపుణులు హెచ్చరిస్తున్నారు.

మరోవైపున కరోనా వైరస్‌ ధాటికి ప్రపంచ దేశాలు అతలాకుతలం అవుతున్నాయి. చైనాలోని వుహాన్‌లో పురుడుపోసుకున్న మహ్మమారి కరోనా అనతికాలంలోనే ప్రపంచదేశాలను ఆవహించింది. అయితే ముందస్తు జాగ్రత్తలతో పలు దేశాలు త్వరతగతిన అప్రమత్తత ప్రకటించడంతో కొంతమేర కట్టడిచేయగలిగాయి. ఇక చైనా, ఇటలీ, ఇరాన్ దేశాల్లో నాలుగో దశకు చేరుకుని.. ఆయా దేశాలను చిగురుటాకులా వణికిస్తోంది. వైరస్‌ ప్రభావం కాస్త ఆలస్యమైనప్పటికీ భారత్‌లోనూ తీవ్ర ప్రభావం చూపుతోంది. పలు దేశాలు మాత్రం ముందస్తుగా లాక్‌డౌన్‌ ప్రకటించడంతో రెండో దశ నుంచే కరోనాతో యుద్ధం చేస్తున్నాయి. ఈ జాబితాలో భారత్‌ కూడా ఉంది. అయితే రెండే దశలోనే వైరస్‌ పెద్ద ఎత్తన విజృంభిస్తుండటంతో భారత్‌లో త్వరలోనే మూడోదశకు చేరుకుంటుందనే అనుమానాలు వ్యక్తమవుతున్నాయి.

విదేశాలకు వెళ్లి కరోనా బారినపడి, మన దగ్గరుకు వచ్చిన తర్వాత వారి కుటుంబ సభ్యులు వైరస్‌ విస్తరింపజేసేది రెండో దశ. ప్రస్తుతం మనదేశంలో రెండోదశ కొనసాగుతుంది. ఈ దశను లోకల్‌ ట్రాన్స్‌మిషన్‌గా వ్యవహరిస్తుంటారు. విమానాశ్రయాల్లో విదేశీ ప్రయాణికులు దిగగానే వారిని స్క్రీనింగ్‌ చేయ డం, లక్షణాలు ఉన్నవారిని ఆస్పత్రులకు తరలించి, చికిత్సలు చేయించడం, వ్యాధి లక్షణాలు లేకపోయినా వారిని ఇతరులకు దూరంగా ఉంచడం ద్వారా ఒకరి నుంచి మరొకరికి వైరస్‌ విస్తరించకుండా కట్టడి చేయవచ్చు. ప్రస్తుతమున్న పరిస్థితుల నేపథ్యంలో భారత్‌ కూడా మూడో దశ.. కమ్యూనిటీ ట్రాన్స్‌మిషన్‌ (సామాజిక వ్యాప్తి) పోరుకు సిద్ధంగా ఉండాలని హెచ్చరికలు వినిపిస్తున్నాయి. 

మూడో దశ అత్యంత ప్రమాదకరమైన దశ. రెండో దశలో వైరస్‌ బారిన పడిన వారి నుంచి చుట్టుపక్కల ఉన్న వారికి పెద్దఎత్తున వైరస్‌ విస్తరిస్తుంది. చాలా తక్కువ సమయంలోనే వేలాది మందికి విస్తరిస్తుంది. మరణాల సంఖ్య భారీగా ఉంటుంది. నియంత్రణ కష్టమవుతుంది. ఇటలీ, ఇరాన్‌లు ప్రస్తుతం ఇదే దశను ఎదుర్కొంటున్నాయి. కాగా చైనాతో పోలిస్తే భారత్‌లో జనసాంద్రత చాలా ఎక్కువ. మన దేశంలో ఒక చదరపు కిలోమీటర్‌ పరిధిలో 420 మంది నివశిస్తున్నారు. చైనాలో ఆసంఖ్య 148. అయితే భారత్‌లో రెండోదశ దాటి.. మూడోదశకు చేరితే వైరస్‌ను నియంత్రించడం చాలా కష్టంతో కూడుకున్న వ్యవహారమని వైద్య నిపుణులు అభిప్రాయపడుతున్నారు. మరోవైపు దేశంలో మురికివాడలు సంఖ్య ఎక్కువగా ఉంటుంది. అలాగే ఎజెన్సీ ప్రాంతాలూ ఎక్కువనే. దీంతో రెండోదశను దాటి మూడోదశకు చేరకుండానే జాగ్రత్తలు తీసుకోవాలని హెచ్చరిస్తున్నారు.

‘వైరస్‌ వ్యాప్తి మూడో దశ కమ్యూనిటీ ట్రాన్స్‌మిషన్‌లోకి వ్యాపించడానికి దేశానికి కేవలం 30 రోజుల గడువే ఉంది. వైరస్‌ మూడు, నాలుగు దశలు దాటిపోతే వ్యవస్థలన్నీ కుప్పకూలే ప్రమాదం లేకపోలేదు. ప్రస్తుతం ఉన్న వైద్య సిబ్బంది, ఆస్పత్రులు, పడకలు ఇతర మౌలిక సదుపాయాలు ఏమాత్రం సరిపోవు. చిన్న వైరసే కదా అని నిర్లక్ష్యం చేస్తే జీవితమే కోల్పొవాల్సి వస్తుంది. ముందే మే ల్కొని ఎవరికి వారు స్వీయ నియంత్రణ చర్యలు చేపడితే.. వైరస్‌ భారీ నుంచి సులభంగా బయటపడొచ్చని’ వైద్యులు చెబుతున్నారు.

నాలుగో దశ  వైరస్‌ నియంత్రణ చేయి దాటిపోయే దశ ఇదే. ప్రస్తుతం ఇటలీ, ఇరాన్‌ ఇదే పరిస్థితుల్లో ఉన్నాయి. ఈ దశను తొలిసారి చూసిన దేశం చైనా. ఈ దశలోనే అక్కడ కేసుల సంఖ్య 80 వేలు దాటిపోయింది. ఆలస్యంగా మేల్కొన్నప్పటికీ.. కఠిన చర్యలు తీసుకోవడం ద్వారా ప్రస్తుతం వైరస్‌ వ్యాప్తి నియంత్రణలోకి వచ్చింది. కానీ ఇరాన్, ఇటలీ వంటి దేశాలు మాత్రం ఇప్పటికీ వైరస్‌తో పోరాడుతూనే ఉన్నాయి. కాగా ఇప్పటికే దేశ వ్యాప్తంగా పలు రాష్ట్రాలు లాక్‌డౌన్‌ ప్రకటించిన విషయం తెలిసిందే. వైరస్‌ వ్యాప్తి నిరోధానికి కేంద్ర ప్రభుత్వం అనేక చర్యలను చేపడుతోంది. పలు ప్రాంతాల్లో 144 సెక్షన్‌ కూడా విధిస్తున్నారు. 

ఆదివారం జనతా కర్ప్యూ బ్రహ్మాండంగా సక్సెస్ కావడంతో మరో వారంరోజులు అంటే మార్చి 31 వరకు దేశవ్యాప్తంగా లాక్ డౌన్ ప్రకటించారు. అంటే ప్రజల రాకపోకలు పూర్తిగా స్తంభించిపోతాయి. విమానాలు, రైళ్లు, బస్సులు, కార్లు, ఆటోలు ప్రయాణీకుల వాహనాలు ఏవీ తిరగకుండా ఆంక్షలు విధించారు. ప్రజలను ఇళ్లలోనే ఉండాలని ఆదేశించారు.

బీజేపీ నేతలు, కార్యకర్తలే టార్గెట్.. ముగ్గురు కాల్చివేత

బీజేపీ నేతలు, కార్యకర్తలే టార్గెట్.. ముగ్గురు కాల్చివేత

   5 minutes ago


పార్లమెంట్ సాక్షిగా అడ్డంగా దొరికిపోయిన పాకిస్థాన్

పార్లమెంట్ సాక్షిగా అడ్డంగా దొరికిపోయిన పాకిస్థాన్

   35 minutes ago


అభినందన్‌ని వదలకపోతే భారత్ దాడి.. వణికిపోయిన పాక్ ఆర్మీ చీఫ్

అభినందన్‌ని వదలకపోతే భారత్ దాడి.. వణికిపోయిన పాక్ ఆర్మీ చీఫ్

   an hour ago


మా మధ్య మీ జోక్యమేంటి.. అమెరికాపై గయ్‌మన్న చైనా

మా మధ్య మీ జోక్యమేంటి.. అమెరికాపై గయ్‌మన్న చైనా

   an hour ago


వ్యాక్సిన్ వస్తుందనే ధీమాతో మాస్కులు వదిలేయడం డేంజర్

వ్యాక్సిన్ వస్తుందనే ధీమాతో మాస్కులు వదిలేయడం డేంజర్

   2 hours ago


బయటివారు కశ్మీర్ వస్తే అత్యాచారాలు పెరుగుతాయి.. పీడీపీ నేత

బయటివారు కశ్మీర్ వస్తే అత్యాచారాలు పెరుగుతాయి.. పీడీపీ నేత

   15 hours ago


రజనీకాంత్ కి అనారోగ్య సమస్యలు..రాజకీయాలకు గుడ్ బై చెప్పనున్నారా?

రజనీకాంత్ కి అనారోగ్య సమస్యలు..రాజకీయాలకు గుడ్ బై చెప్పనున్నారా?

   21 hours ago


టిక్కెట్లు ర‌ద్దు చేసుకోండి.. డ‌బ్బులిస్తం

టిక్కెట్లు ర‌ద్దు చేసుకోండి.. డ‌బ్బులిస్తం

   a day ago


ఇదేంద‌య్యా  ఇది

ఇదేంద‌య్యా ఇది

   29-10-2020


ఈసారి కూడా ట్రంపే గెలిస్తే.. అది అమెరికాకు పెద్ద గుణపాఠం హిల్లరీ క్లింటన్

ఈసారి కూడా ట్రంపే గెలిస్తే.. అది అమెరికాకు పెద్ద గుణపాఠం హిల్లరీ క్లింటన్

   29-10-2020


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle