newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

ఈయన మోదీకి 'షా'డో నా-2

12-06-201912-06-2019 07:49:36 IST
Updated On 12-06-2019 07:56:18 ISTUpdated On 12-06-20192019-06-12T02:19:36.040Z12-06-2019 2019-06-12T02:19:28.226Z - 2019-06-12T02:26:18.616Z - 12-06-2019

ఈయన మోదీకి 'షా'డో నా-2
facebooktwitterGooglewhatsappwhatsappGoogle
(మొదటి భాగం తరువాయి)

మోడీకి అమిత్ షా అంటే ఎంతో నమ్మకం, విశ్వాసం. అఖండ భారతావనిలో కమల వికాసం సాధ్యం కావాలంటే అమిత్ షా వంటి వ్యక్తి అవసరమని మోడీ భావించారు. 2014 నుంచి 2019 వరకూ కాంగ్రెస్ పాలిత రాష్ట్రాల్లో ఆయన బీజేపీ జెండా పాతేశారు. రెండవసారి మోడీ ప్రధాని కావడం కష్టమని మీడియా మొత్తం ఘోషించినా అమిత్ షా మాత్రం మోడీపై నమ్మకంతో వ్యవహరించారు. 

బీజేపీకి సంపూర్ణ మెజారిటీ కోసం అమిత్ షా ప్రయత్నించారు. అంతా చక్కబెట్టేశాక మోడీ కేబినెట్లో చేరారు. పార్టీ సారథ్యం నుంచి పాలన వ్యవహారాల్లోకి అడుగుపెట్టారు. కేబినెట్‌లో నెంబర్‌ టూ అయ్యారు. మోడీకి సరైన జోడీ అమిత్ షా అంటారు బీజేపీ నేతలు. నిన్నమొన్నటివరకూ పార్టీకీ-ప్రభుత్వానికి మధ్య వారధిగా ఉన్న వ్యక్తి ఇప్పుడు కీలకమయిన హోంశాఖ బాధ్యతలు చేపట్టి పాలనా వ్యవహారాల్లో ప్రధాన భూమిక పోషిస్తున్నారు. 

Image result for home minister amit shah

అమిత్ షా ఎలాంటి ప్రాధాన్యత సాధించారంటే ... ఒకటి కాదు ఏకంగా 8 కేబినెట్ కమిటీలలో అమిత్ షా సభ్యుడుగా ఉన్నారు0. ఆర్థిక శాఖ మంత్రి నిర్మలా సీతారామన్‌కు 7, రైల్వేశాఖ మంత్రి పీయూష్ గోయల్‌కు 5 కమిటీల్లో సభ్యులుగా నియమించారు. కీలకమయిన అన్ని శాఖల్లో మోడీ తర్వాత అమిత్ షానే నియమించడం వెనుక మోడీ వ్యూహం మనం అర్థం చేసుకోవచ్చు. దేశానికి సంబంధించిన ఆయా కీలక అంశాలపై నిర్ణయాలు తీసుకునే ముఖ్యకమిటీలన్నింట ఆయనకు పెద్దపీట వేశారు. నీతి ఆయోగ్‌లోనూ ఆయన్ను ఎక్స్‌ అఫీషియో సభ్యుడిగా నియమించారు. 

ఆర్థిక వ్యవహారాలు, పార్లమెంటరీ వ్యవహారాలు, రాజకీయ వ్యవహారాలు, భద్రతా వ్యవహారాలు, పెట్టుబడులు, వృద్ధి ఉపాధి నైపుణ్యాభివృద్ధి, నియామకాల కమిటీ, వసతి సౌకర్యాల కేబినెట్‌ కమిటీ.. మొత్తం 8 కమిటీలను కేంద్రం పునర్వ్యవస్థీకరించింది. ప్రతి కమిటీలో అమిత్‌ షా సభ్యుడిగా ఉన్నారు. ప్రధాని సభ్యుడిగా లేని రెండు కమిటీల్లోనూ అమిత్‌ షా సభ్యుడిగా నియమితులయ్యారు.

అంతేకాదు,  కేంద్ర హోమ్ మంత్రి అమిత్ షాకు మాజీ ప్రధాని అటల్ బిహారీ వాజ్‌ పేయి నివసించిన ఇంటిని కేటాయించారు. అమిత్ షా ఇంటి భద్రత కోసం ప్రత్యేక ఫోకస్ పెట్టారు. ఆయన నివాసం వద్ద ఢిల్లీ పోలీసులు అదనంగా మోహరించారు. ఆయనకు ఇప్పటికే ‘జడ్‌ ప్లస్‌’ భద్రత ఉంది. కేంద్ర పారామిలటరీ బలగాలు ఆయన రక్షణ బాధ్యతలను చూస్తున్నాయి.

Image result for home minister amit shah security

ఇప్పుడు జాతీయ భద్రతా దళానికి చెందిన బ్లాక్‌ క్యాట్‌ కమాండో రక్షణ కల్పించారు. దీని ప్రకారం 50 మంది కమాండోలు అమిత్ షా రక్షణలో ఉంటారు. వీరిలో SWAT (Special Weapons and Tactics) టీం ఉంటుంది. వీరి దగ్గర అత్యాధునిక ఆయుధాలు ఉంటాయి. నిరంతరం అమిత్ షా భద్రతను పర్యవేక్షిస్తారు. అమిత్ షా ఎక్కడికి వెళ్లినా ఆయన వెన్నంటే ఉంటారు కమాండోలు. 

సాధారణంగా ప్రధాని మోడీకి అన్ని శాఖలపై నియంత్రణ ఉంటుంది. కానీ అమిత్ షా మాత్రం వివిధ శాఖలతో సమావేశం నిర్వహించడం చర్చనీయాంశం అవుతోంది. అమిత్ షా దూకుడు గమనించిన కొందరు ఢిల్లీ రాజకీయనేతలు అమిత్ షాని షాడో మోడీ అంటున్నారు. గతంలో ఏ హోంమంత్రి ఇంత యాక్టివ్ గా లేడని రాజకీయ విశ్లేషకులు చెబుతున్నారు.

Image result for amith shah shadow of modi

గతంలో అద్వానీ లాంటి వ్యక్తులు హోంమంత్రులుగా వ్యవహరించినా ఇతర శాఖలపై అంతగా తమ ఫోకస్ పెట్టలేదు. తర్వాత రాజ్ నాథ్ సింగ్ కూడా హోంమంత్రిగా వున్నారు. ఆయన కూడా సేమ్ టు సేమ్. తన శాఖ వరకూ వివిధ నిర్ణయాలు తీసుకునేవారు రాజ్ నాథ్ సింగ్. కానీ అమిత్ షా తనదైన ముద్రవేయడానికి ప్రయత్నిస్తున్నారు. మోడీ నీడలా అమిత్ షా వ్యవహరిస్తున్నారని అంటున్నారు. 

మొత్తం మీద మోడీ తర్వాత ఎవరనే ప్రశ్నకు అమిత్ షా సమాధానంగా నిలుస్తున్నారు. అందుకే రాజకీయ విశ్లేషకులు కూడా బీజేపీలో నెంబర్ టు అమిత్ షా అంటున్నారు. కాంగ్రెస్ పార్టీ నాయకత్వ లోపంతో కునారిల్లుతుంటే బీజేపీ మాత్రం సమర్ధులైన నేతలతో ముందుకు సాగుతోంది. 

Image result for home minister amit shah

ఈయన మోదీకి 'షా'డో నా -1


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle