newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

యువరాజ్‌ అభిమానులకు పండగే..

10-09-202010-09-2020 12:36:29 IST
2020-09-10T07:06:29.975Z10-09-2020 2020-09-10T07:06:27.283Z - - 20-04-2021

యువరాజ్‌ అభిమానులకు పండగే..
facebooktwitterGooglewhatsappwhatsappGoogle
టీమ్‌ఇండియా రెండు ప్రపంచకప్‌లు(2007 టీ20, 2011 వన్డే వరల్డ్‌కప్‌) సాధించడంలో కీలక పాత్ర పోషించాడు ఆల్‌రౌండర్‌ యువరాజ్‌ సింగ్‌. అటు బౌలింగ్‌తో పాటు బ్యాటింగ్‌ మెరుపులు మెరిపించాడు. ఆ తరువాత క్యాన్సర్‌ బారిన పడి కోలుకున్నప్పటికి మునపటిలా ఆడలేకపోవడంతో గతేడాది జూన్‌లో అన్ని రకాల క్రికెట్‌కు రిటైర్‌మెంట్‌ ప్రకటించాడు. అనంతరం విదేశీ లీగుల్లో సత్తా చాటుతున్నాడు యువీ.

తాజాగా.. యువరాజ్‌ సింగ్‌ తన రిటైర్‌మెంట్‌ విషయంలో యూటర్న్ తీసుకున్నాడు. గతంలో తాను ప్రకటించిన రిటైర్మెంట్‌ను వెనక్కి తీసుకోవడానికి యువరాజ్ బీసీసీఐకి లేఖ కూడా రాశాడు. తన పునరాగమనానికి అనుమతి ఇవ్వాలని బీసీసీఐ అధ్యక్షుడు సౌరవ్‌ గంగూలీ, కార్యదర్శి జే షాకు ఈమెయిల్‌ పంపించాడని సంబంధిత వర్గాలు అంటున్నాయి.

పంజాబ్‌ క్రికెట్‌ ప్రయోజనాల కోసం రిటైర్‌మెంట్‌ను వీడాలని పంజాబ్‌ క్రికెట్‌ సంఘం కార్యదర్శి పునీత్‌ బాలి కోరిన నేపథ్యంలో యువీ ఈ నిర్ణయం తీసుకున్నాడు. 'రిటైర్‌మెంట్‌కు స్వప్తి పలకడంపై మొదట తటపటాయించా.. బీసీసీఐ అనుమతిస్తే ప్రపంచ వ్యాప్తంగా టీ20 లీగుల్లో ఆడాలనుకున్నప్పటికీ.. దేశవాలీకి మాత్రం దూరమయ్యా. కానీ బాలి విజ్ఞప్తిని విస్మరించలేకపోయా. మూడు నాలుగు వారాలు ఆలోచించుకుని నిర్ణయం తీసుకున్నా' అని యువరాజ్‌ అన్నట్లు క్రిక్‌బజ్‌ వెల్లడించింది.

కరోనా మహమ్మారి కారణంగా క్రికెట్‌ కార్యకలాపాన్ని నిలిచిపోయిన సంగతి తెలిసిందే. పీసీఏ(పంజాబ్‌ క్రికెట్‌ సంఘం) విజ్ఞప్తి మేరకు యువరాజ్‌ మొహాలీ స్టేడియంలో యువ ఆటగాళ్లకు రెండు సుధీర్ఘ శిబిరాలు నిర్వహించాడు. క్రికెట్‌లో ఒత్తిడిని ఎలా జయించాలో, మ్యాచ్‌లకు ఎలా సన్నద్దం కావాలో యువ ఆటగాళ్లకు నేర్పించాడు. యువీ ఆధ్వర్యంలో శుభ్‌మన్‌ గిల్‌, అభిషేక్‌ శర్మ, ప్రభ్‌సిమ్రన్‌ సింగ్‌, అన్మోల్‌ప్రీత్‌ సింగ్‌ వంటి యువ ఆటగాళ్లు సాధన చేశారు. ఈ సమయంలోనే యువీ మనసు ఆటపై మళ్లింది.

'పంజాబ్‌కు ఛాంపియన్‌షిప్‌లు అందించాలని కోరిక కలిగింది. హర్భజన్ సింగ్, నేనూ వేర్వేరుగా ఎన్నో గెలిచాం. కానీ ఇద్దరం కలిసి పంజాబ్‌కు ఏం చేయలేదు. అదే నన్ను ఈ నిర్ణయం తీసుకొనేలా చేసింది. బీసీసీఐ నుండి అనుమతి వస్తే కేవలం టీ20లు ఆడతాను. ఏం జరుగుతుందో చూడాలి' అని యువరాజ్‌ అన్నాడు. ఒకవేళ బీసీసీఐ నుంచి యువరాజ్‌ సింగ్‌కి అనుమతి లభిస్తే మళ్లీ విదేశీ లీగ్‌ల్లో పాల్గొనేందుకు అతనికి అవకాశం ఉండదు.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle