newssting
BITING NEWS :
*మంగళగిరి ఎమ్మెల్యే ఆళ్ల రామకృష్ణారెడ్డి కార్యాలయంలో భారీ చోరీ*పాకిస్తాన్‌లో హైదరాబాద్‌ వాసి అరెస్ట్‌...అరెస్ట్‌ అయిన వ్యక్తి ప్రశాంత్‌ గా గుర్తింపు* రాజమండ్రి రైల్వేస్టేషన్ సమీపంలో పట్టాలు తప్పిన గూడ్స్ రైలు*ఇవాళ సమ్మెపై తుది నిర్ణయం.. జడ్జిమెంట్‌ కాపీ చూశాక తుది నిర్ణయం.. సమ్మె యథాతథంగా కొనసాగుతుంది.. సడక్‌బంద్, రాస్తారోకోలు మాత్రం వాయిదా-అశ్వత్థామరెడ్డి*దీక్ష విరమించినా ఆర్టీసీ జేఏసీ ఆందోళన కొనసాగుతుంది-కోదండరాం*ఆర్టీసీ సమ్మెపై విచారణ ముగించిన హైకోర్టు *హైకోర్టుకు కొన్ని పరిమితులుంటాయి.. పరిధిదాటి ముందుకు వెళ్లలేం.. కార్మికశాఖ చూసుకుంటుంది.. 2 వారాల్లో సమస్య పరిష్కరించాలని సూచిస్తాం-హైకోర్టు

మంధాన దూకుడు... విరాట్ రికార్డు బ్రేక్

08-11-201908-11-2019 09:20:24 IST
2019-11-08T03:50:24.594Z08-11-2019 2019-11-08T03:50:22.487Z - - 19-11-2019

మంధాన దూకుడు... విరాట్ రికార్డు బ్రేక్
facebooktwitterGooglewhatsappwhatsappGoogle
ఆంటిగ్వా వేదికగా వెస్టిండీస్‌ మహిళలతో జరిగిన మూడు వన్డేల సిరీస్‌ను భారత మహిళల జట్టు కైవసం చేసుకుంది. మూడో వన్డేలో భారత మహిళలు ఆరు వికెట్ల తేడాతో గెలిచి సిరీస్‌ను 2-1 తో చేజిక్కించుకున్నారు.  తొలి వన్డేలో వెస్టిండీస్‌ మహిళలు విజయం సాధించగా, రెండు, మూడు వన్డేల్లో భారత మహిళలలు గెలిచారు.

అంతక ముందు టాస్ గెలిచిన వెస్టిండిస్ మహిళల జట్టు బ్యాటింగ్ ఎంచుకుంది. విండీస్‌ కెప్టెన్‌ స్టెఫానీ టేలర్‌(79) మరోసారి రాణించగా మిగతా వారు విఫలమయ్యారు. దీంతో నిర్ణీత 50 ఓవర్లలో 194 పరుగులకు ఆలౌట్ అయ్యింది. భారత బౌలర్లలో గోస్వామి, పూనమ్‌ యాదవ్‌లు చెరో రెండు వికెట్లు సాధించగా, శిఖా పాండే, రాజేశ్వరి గైక్వాడ్‌, దీప్తి శర్మలు తలో వికెట్‌ తీశారు. మూడు వికెట్లు రనౌట్ల రూపంలో రావడం విశేషం.               

గాయం కారణంగా తొలి రెండు వన్డేలకు దూరమైన మంధాన.. రీఎంట్రీలోనే అదరగొట్టింది. 195 పరుగుల విజయ లక్ష్యంతో బరిలోకి దిగిన భారత మహిళల జట్టుకు ఓపెనర్లు  స్మృతి మంధాన(74; 63 బంతుల్లో 9 ఫోర్లు, 3 సిక్సర్లు), జెమీమా రోడ్రిగ్స్‌(69; 92 బంతుల్లో 6 ఫోర్లు) తొలి వికెట్‌కు 141 పరుగులు జోడించారు. పూనమ్ రౌత్ (24;  49 బంతుల్లో 1ఫోర్);  కెప్టెన్ మిథాలి రాజ్ (20;  35 బంతుల్లో 2ఫోర్లు) లు రాణించడంతో 42.1 ఓవర్లలో నాలుగు వికెట్లు కోల్పోయి విజయాన్ని అందుకుంది. 

విరాట్ రికార్డ్ బ్రేక్...

ఈ మ్యాచ్ లో 63 బంతుల్లో 74 పరుగులు సాధించిన ఓపెనర్  స్మృతి మంధాన వన్డేల్లో రెండు వేల పరుగుల మార్కును చేరుకుంది. వేగవంతంగా రెండు వేల పరుగుల్ని సాధించిన రెండో భారత క్రికెటర్‌గా మంధాన ఘనత సాధించింది. కేవలం  51 ఇన్నింగ్స్‌ల్లోనే రెండు వేల పరుగుల మైలు రాయిని అందుకుంది. అందరి కంటే ముందు భారత పురుషుల జట్టు ఓపెనర్ శిఖర్ ధావన్ 48 ఇన్నింగ్స్ ల్లోనే ఈ ఘనత సాధించి మొదటి స్థానంలో కొనసాగుతున్నాడు. 

భారత పురుఘల కెప్టెన్‌ కోహ్లి కంటే కూడా మంధాన రెండు వేల పరుగుల్ని ముందుగా సాధించడం ఇక్కడ విశేషం.  కోహ్లి 53వ ఇన్నింగ్స్‌లో 2వేల వన్డే పరుగుల్ని పూర్తి చేస్తే మంధాన 51 ఇన్నింగ్స్ లోనే చేరుకుంది. ఇక భారత మాజీ కెప్టెన్‌, ప్రస్తుత బీసీసీఐ అధ్యక్షుడు సౌరవ్‌ గంగూలీ 52వ ఇన్నింగ్స్‌లో రెండు వేల పరుగుల మార్కును చేరారు.

మంధాన మెరుపులతో భారత మహిళల జట్టు విజయాన్ని సాధించడంతో ప్లేయర్ ఆప్ ది మ్యాచ్ గా మంధాన ఎంపికైంది. సిరీస్ మొత్తం అద్భుతంగా రాణించిన వెస్టిండీస్ కెప్టెన్ స్టెఫానీ టేలర్‌ కి ప్లేయర్ ఆప్ ది సిరీస్ అవార్డు లభించింది. 

Related image

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle