newssting
BITING NEWS :
తీవ్ర వివాదాల మధ్యనే పార్లమెంటులో ఆమోదం పొందిన రెండు వ్యవసాయ బిల్లులు. ఆదివారం రాజ్యసభ ఆమోదం పొందిన బిల్లులు. రాష్ట్రపతి ఆమోదం అనంతరం ఇవి చట్టరూపం. ఈ బిల్లులు వ్యవసాయ రంగాన్ని నాశనం చేస్తాయని, రైతులకు ఇవి మరణ శాసనాలని పేర్కొంటూ ప్రతిపక్ష పార్టీల సభ్యులు రాజ్యసభలో తీవ్ర నిరసన వ్యక్తం చేసినా వెనక్కు తగ్గని కేంద్రం * రాజ్యసభలో కొనసాగుతున్న దుమారం. విపక్షాల ఆందోళన మధ్య వ్యవసాయ బిల్లులకు ఆమోదం లభించిన నేపథ్యంలో రాజ్యసభ డిప్యూటీ చైర్మన్‌ హరివంశ్‌ నారాయణ్‌ సింగ్‌పై అవిశ్వాస తీర్మానం. హరివంశ్‌పై అవిశ్వాస తీర్మానానికి ఆదివారం 12 విపక్ష పార్టీలు నోటీసు. ప్రజాస్వామిక విలువలను, సంప్రదాయాలను హరివంశ్‌ తూట్లుపొడిచారాని కాంగ్రెస్‌ నేత అహ్మద్‌ పటేల్‌ విమర్శ * అక్రమాస్తుల కేసులో బెంగళూరు పరపన అగ్రహారం జైలులో శిక్ష అనుభవిస్తున్న తమిలనాడు మాజీ సీఎం జయలలిత సన్నిహితురాలు శశికళ ముందస్తు విడుదల కోసం మరోసారి ప్రయత్నాలు. శశికళ విడుదల కోసం అమ్మా మక్కల్‌ మున్నేట్ర కళగం నేత టీటీవీ దినకరన్‌ ఢిల్లీకి పయనం. సుప్రీం కోర్టు న్యాయవాదులు, న్యాయనిపుణులతో చర్చలు * ఆరు నెలల తర్వాత సోమవారం ఉదయం సందర్శకుల కోసం తెరుచుకున్న ఆగ్రాలోని అంతర్జాతీయ చారిత్రక పర్యాటక కేంద్రం తాజ్‌మహల్‌. కొవిడ్-19 నిబంధనలు పాటిస్తూ బారులు తీరిన సందర్శకులు. సోమవారం 160 మంది పర్యాటకులు ఆన్ లైన్ లో టికెట్లు కొనుగోలు. రెండు షిఫ్తుల్లో రెండు వేలమందికి అనుమతులు * మహారాష్ట్రలోని భీవండి నగరంలో తీవ్ర విషాదం. మూడంతస్తుల భవనం ఒక్కసారిగా కుప్పకూలి పది మంది మృతి, మరో 20 మందికి గాయాలు. శిథిలాల కింద మరింత మంది చిక్కుకున్నట్లు సమాచారం. పోలీసులు, ఫైర్ సిబ్బందితో పాటు ఎన్డీఆర్‌ఎఫ్‌ బృందాలు ముమ్మర సహాయక చర్యలు * నేటి నుండి హైకోర్టులో అమరావతి రైతులు, రైతు పరిరక్షణ సమితి, మాజీ ఎంఎల్‌ఏ శ్రవణ్ కుమార్ తదితరులు వేసిన పిటిషన్‌లపై రోజువారీ విచారణ. నేడు ధర్మాసనం ముందు లిస్ట్ అయిన 93 పిటిషన్‌లు విచారణ. ఆన్‌లైన్ ద్వారా రాజధానికి సంబంధించిన కేసులను విచారించనున్న ధర్మాసనం * నేటి నుండి అంతర్వేది శ్రీలక్ష్మీనరసింహస్వామి దర్శనాల పునరుద్ధరణ. ఆలయ ప్రాంగణంలో దేవస్థానం పరిసర ప్రాంతాల్లో కరోనా కేసుల కారణంగా దర్శనాలు నిలిపివేయగా నేటి నుండి తిరిగి దర్శనాలు ప్రారంభం. సామాజిక దూరం పాటిస్తూ, శానిటైజర్‌ వాడుతూ క్యూలైన్‌లో దర్శనం. పిల్లలకు, వృద్ధులకు ఆలయంలోకి నో ఎంట్రీ * భారీ వర్షాలతో పోటెత్తిన కృష్ణా, పెన్నా, తుంగభద్ర నదులకు వరద. పలు గ్రామాలు ముంపునకు గురవడంతో ప్రజలను సురక్షిత ప్రాంతాలకు తరలిస్తున్న అధికారులు. పలు గ్రామాల్లో వరదలలో చిక్కుకున్న 48 మంది రైతులు, వ్యవసాయ కూలీలు, రక్షించిన ఎస్టీఆర్‌ఎఫ్‌ బృందాలు * కేంద్రం జారీ చేసిన కోవిడ్‌ మార్గదర్శకాలకు అనుగుణంగా విద్యాశాఖ ఉత్తర్వులు. నేటి నుంచి 50 శాతం మంది టీచర్లు బడులకు హాజరు. సోమవారం నుంచి విద్యార్థులు లేకుండానే కొనసాగనున్న పాఠశాలలు * ఈశాన్య బంగా‌ళా‌ఖాతంలో ఆది‌వారం ఉదయం ఏర్పడిన అల్ప‌పీ‌డనం. సోమ‌వారానికి మ‌రింత బలపడి అను‌బం‌ధంగా 3.1 కి.మీ. నుంచి 7.6 కి.‌మీ. ఎత్తు‌వ‌రకు ఉప‌రి‌తల ఆవ‌ర్తనం. దీని ప్రభావంతో తెలుగు రాష్ట్రాలలో కొన్ని చోట్ల భారీ నుంచి అతిభారీ వ‌ర్షాలు కురిసే అవ‌కాశం.

బీసీసీఐ రూల్స్ బ్రేక్.. తాంబేకి ఐపీఎల్ ఆడే ఛాన్స్ మిస్!

13-01-202013-01-2020 17:31:56 IST
2020-01-13T12:01:56.833Z13-01-2020 2020-01-13T12:01:55.131Z - - 21-09-2020

బీసీసీఐ రూల్స్ బ్రేక్.. తాంబేకి ఐపీఎల్ ఆడే ఛాన్స్ మిస్!
facebooktwitterGooglewhatsappwhatsappGoogle
క్రికెటర్లకు బీసీసీఐ నిబంధనలు షాకిస్తున్నాయనే చెప్పాలి. బీసీసీఐ తాజా నిబంధనలను అధికారి ఒకరు క్రికెటర్లకు పంపించారు. ‘‘విదేశీ లీగ్‌లు ఆడాలనుకునే భారత క్రికెటర్లు తెలుసుకోవాలి.  ఐపీఎల్‌ ఆడాలనుకుంటే విదేశీ లీగ్‌ల్లో ఆడకూడదు. ఒకవేళ  విదేశీ లీగ్‌లపై ఆసక్తి ఉంటే ఐపీఎల్‌ను వదులుకోవాలి’’ అని నిబంధనల్లో ఉంది.

అయితే ఈ సంగతి తెలియని ప్రవీణ్‌ తాంబే అబుదాబిలో జరిగిన టీ10 లీగ్‌లో భాగంగా ఆటగాళ్ల డ్రాఫ్ట్‌లో తాంబే తన పేరును పంపాడు. అదే సమయంలో ఐపీఎల్‌ వేలానికి కూడా వచ్చాడు. ఇది బీసీసీఐ ప్రొటోకాల్‌ను వ్యతిరేకించడమేనని బీసీసీఐ షాకిచ్చింది. 

2020లో జరగబోయే ఇండియన్‌ ప్రీమియర్‌ లీగ్‌ కోసం జరిగిన వేలంలో ముంబైకి చెందిన 48 ఏళ్ల వెటరన్‌ ఆటగాడు ప్రవీణ్‌ తాంబేను కోల్‌కతా నైట్‌రైడర్స్‌ వేలంలో స్వంతం చేసుకుంది.  అతను కేవలం రూ. 20లక్షలకే అమ్ముడయ్యాడు. తాంబే కోసం ఏ ఫ్రాంచైజీ ఆసక్తి చూపకపోవడంతో చివరకు కేకేఆర్‌ బిడ్‌కు వెళ్లింది. అక్కడ మిగతా ఫ్రాంచైజీల నుంచి ఎటువంటి పోటీ లేకపోవడంతో తక్కువ ధరకే తాంబే కేకేఆర్‌ సొంతమయిన సంగతి తెలిసిందే. తాజా పరిస్థితులు, బీసీసీఐ నిబంధనల నేపత్యంలో తాంబే ఐపీఎల్‌ ఆడటానికి అర్హత కోల్పోయాడు.

ఒకవేళ ఆడాలనుకుంటే బీసీసీఐ నుంచి ఎన్‌ఓసీ తీసుకున్న తర్వాతే వేరే విదేశీ లీగ్‌లు ఆడాలి. తాంబే బ్రేక్‌ చేయడంతో ఇప్పుడు ఐపీఎల్‌లో ఆడే అవకాశాన్ని కోల్పోయాడు. 2013లో ఐపీఎల్‌లో అరంగేట్రం చేసిన తాంబే.. మొత్తంగా 33 మ్యాచ్‌లు ఆడి 28 వికెట్లు తీశాడు. తాజాగా ఐపీఎల్‌లో ఆడే అవకాశం కోల్పోవడంపై తాంబే ఏమంటాడో చూడాలి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle