పాక్ క్రికెటర్‌కి షాక్.... ఉమర్ అక్మల్‌పై వేటు

20-02-202020-02-2020 14:49:03 IST
2020-02-20T09:19:03.282Z20-02-2020 2020-02-20T09:17:23.461Z - - 20-04-2021

పాకిస్తాన్ రాజకీయాల్లాగే క్రికెట్ బోర్డులోనూ ఎడతెగని ఉత్కంఠ వుంటుంది. తాజాగా పాకిస్తాన్ క్రికెట్ జట్టు ఆటగాడు ఉమర్ అక్మల్‌పై సస్పెన్షన్ వేటు వేయడం చర్చనీయాంశంగా మారింది. పాకిస్తాన్‌ క్రికెట్ బోర్డు అవినీతి నిరోధక నియమావళిలోని ఆర్టికల్ 4.7.1 కింద ఆయనను సస్పెండ్ చేస్తున్నట్టు పీసీబీ ప్రకటన తెలిపింది. ఈ ఆదేశాలు తక్షణమే అమల్లోకి వస్తాయని వెల్లడించింది. 

దీంతో ఉమర్ అక్మల్ ఎలాంటి క్రికెట్ కార్యకలాపాల్లో పాల్గొనే అవకాశం లేకుండా పోయింది. ‘ప్రస్తుతం విచారణ కొనసాగుతున్నందున పీసీబీ దీనిపై ముందు ముందు ఎలాంటి వ్యాఖ్యలు చేయబోదు..’’ అని పీసీబీ ఓ ప్రకటనలో పేర్కొంది.  ఓ ఫిట్‌నెస్ టెస్ట్ సందర్భంగా ఉమర్ అక్మల్ దురుసుగా ప్రవర్తించినట్టు ఆరోపణలు వచ్చాయి. దీంతో ఈ చర్యలు తీసుకుంది పీసీబీ. లాహార్‌లోని నేషనల్ క్రికెట్ అకాడమీ వద్ద జరిగిన ఫిట్‌నెస్ టెస్టులో అక్మల్ ఫెయిలయ్యాడు. దీంతో  అక్కడి సిబ్బందితో అభ్యంతరకరంగా ప్రవర్తించాడు. 

2019 ఆగస్టులో శ్రీలంకపై జరిగిన టీ20 మ్యాచ్‌లో పాకిస్తాన్‌ తరపున అక్మల్ ఆడాడు. అయితే, ఆ సిరీస్‌లో అక్మల్‌ విఫలం కావడంతో.. అతనిపై తీవ్ర విమర్శలు చేశారు. అక్మల్ చర్యలపై పాక్ ప్రధాన కోచ్‌ మిస్బావుల్‌ గుర్రుగా ఉన్నాడట. అక్మల్‌పై చర్యలు తీసుకోవడం వెనుక మిస్బా ఉన్నట్లు వార్తలు వచ్చాయి. పీఎస్ఎల్ ఆడేందుకు సిద్ధమవుతున్న అక్మల్ కు ఈ విధంగా ఊహించని షాక్ కలిగింది.