newssting
BITING NEWS :
*దేశంలో కరోనా విజృంభణ... 7,42,661, మరణాలు 20,53, కోలుకున్నవారు 4,57, 016 *నేడు వైఎస్సార్‌ 71వ జయంతి *ఎల్జీ పాలిమర్స్ గ్యాస్ లీకేజీ ఘటనలో సీఈవో, డైరెక్టర్స్‌తో సహా 12 మంది అరెస్ట్ *శ్రీకాకుళం జిల్లాలో రాజ్యసభ సభ్యులు విజయసాయిరెడ్డి పర్యటన..ఆమదాలవలసలో వైఎస్సార్ విగ్రహాన్ని ఆవిష్కరించనున్న విజయసాయిరెడ్డి *కడప : ఇడుపులపాయలో వైఎస్సార్ జయంతి సందర్భంగా కుటుంబసభ్యుల తో కలసి నివాళులర్పించనున్న సీఎం జగన్*తెలంగాణలో 1879 కరోనా పాజిటివ్ కేసులు, 7 గురు మృతి..తెలంగాణలో ఇప్పటి వరకు 313 మంది మృతి..హైదరాబాద్ లో 1422 కేసులు..యాక్టివ్ కేసులు 11,012, డిశ్చార్జ్ అయిన కేసులు 16,287* రాజ‌ధానిలో త‌ల‌పెట్టిన 125 అడుగుల అంబేద్క‌ర్ విగ్ర‌హ ఏర్పాటును విజ‌య‌వాడ‌కు మార్చిన ఏపీ స‌ర్కార్ *ముంబై ఎయిర్‌పోర్టు అథారిటీ నిధుల గోల్‌మాల్‌పై ఇప్ప‌టికే జీవీకేపై కేసు న‌మోదు చేసిన సీబీఐ.. సీబీఐ కేసు ఆధారంగా కేసు న‌మోదు చేసిన ఈడీ*ఏపీలో గ‌త‌ 24 గంటల్లో 1178 క‌రోనా పాజిటివ్ కేసులు, 13 మంది మృతి.. 21,197కి చేరిన క‌రోనా పాజిటివ్ కేసుల సంఖ్య‌, ఇప్ప‌టి వ‌ర‌కు 252 మంది మృతి*ప్రైవేట్ ఆసుపత్రుల తీరుపై హైకోర్టులో పిల్. కరోనా టెస్టులు, చార్జీల నియంత్రణ మార్గదర్శకాలు జారీ చేయాలని పిటిషన్. యశోద, కేర్, సన్ షైన్, మెడికవర్ ఆసుపత్రులకు హైకోర్టు నోటీసులు. ఈనెల 14 లోగా వివరణ ఇవ్వాలని ప్రభుత్వానికి హైకోర్టు ఆదేశం

టీ20 సిరీస్ టీమిండియా సొంతం...

11-01-202011-01-2020 08:05:06 IST
2020-01-11T02:35:06.257Z11-01-2020 2020-01-11T02:35:03.335Z - - 09-07-2020

టీ20 సిరీస్ టీమిండియా సొంతం...
facebooktwitterGooglewhatsappwhatsappGoogle
పుణే వేదికగా శ్రీలంకతో జరిగిన చివరి టీ20లో ఘనవిజయాన్ని సాధించి టీమిండియా సిరీస్ ను 2-0 తేడాతో సొంతం చేసుకుంది. టాస్ ఓడి ముందుగా బ్యాటింగ్ చేసిన టీమిండియా నిర్ణిత 20 ఓవర్లలో 6 వికెట్ల నష్టానికి 201 పరుగుల భారీ స్కోరు చేసింది. 202 పరుగుల లక్ష్యంతో బరిలోకి దిగిన శ్రీలంక జట్టు 15.5 ఓవర్లు మాత్రమే ఆడి 123 పరుగులకు ఆలౌట్ అయింది.

దీంతో టీమిండియా 78 పరుగుల తేడాతో ఈ మ్యాచ్ లో గెలుపొందింది. మ్యాచ్ లో అద్భుతంగా రాణించిన శార్దూల్ ఠాకూర్ కు మ్యాన్ ఆఫ్ ది మ్యాచ్ లభించంగా సిరీస్ మొత్తంలో జట్టు విజయంలో కీలక పాత్ర పోషించిన నవదీప్ షైనీకి మ్యాన్ ఆఫ్ ది సిరీస్ దక్కింది. 

 ముందుగా బ్యాటింగ్ చేసిన టీమిండియాకు ఓపెనర్లు శుభారంభాన్ని అందించారు. రాహుల్, ధావన్‌ పోటాపోటీగా బ్యాటింగ్ చేయడంతో టీమిండియా స్కోరు వాయు వేగంతో కదిలింది. ఈ క్రమంలో వీరిద్దరూ హాఫ్ సెంచరీలు చేశారు. కేఎల్‌ రాహుల్‌ (36 బంతుల్లో 5 ఫోర్లు, 1 సిక్స్‌) సాయంతో 54, శిఖర్‌ ధావన్‌ (36 బంతుల్లో 7 ఫోర్లు, 1 సిక్స్‌) 52 పరుగులు చేయడంతో జట్టు స్కోరు 10.5 ఓవర్లలో 97 పరుగులకు చేరింది.

ఈ దశలో ధావన్‌(52) పెవిలియన్ చేరాడు. సంజు శాంసన్(6), శ్రేయాస్ అయ్యర్(4) తక్కువ స్కోర్లకే ఔట్ కావడంతో టీమిండియా 118 పరుగులకే మూడు వికెట్లు నష్టపోయింది. ఆ వెంటనే రాహుల్(54)కూడా పెవిలియన్ చేరడంతో 122 పరుగులకే నాలుగు వికెట్లు నష్టపోయింది. మనీష్ పాండేతో కలిసి కోహ్లీ భారీ షాట్లు ఆడాడు.

17 బంతుల్లో 2 ఫోర్లు, 1 సిక్సర్ సాయంతో 26 పరుగులు చేసిన కోహ్లీ జట్టు స్కోరు 164 పరుగుల వద్ద పెవిలియన్ చేరాడు. సుందర్(0) కూడా ఆ వెంటనే ఔట్ కావడంతో టీమిండియా ఆరవ వికెట్ నష్టపోయింది. చివరలో ఠాకూర్ సూపర్ షాట్లతో జట్టు స్కోరును 200 పరుగుల మార్క్ దాటించాడు. శార్దూల్ ఠాకూర్(22), మనీష్ పాండే(31) పరుగులతో నాటౌట్ గా నిలిచారు. 

 201 పరుగుల లక్ష్యంతో బరిలోకి దిగిన శ్రీలంక జట్టు వరుసగా నాలుగు వికెట్లు నష్టపోయింది. గుణతిలక (1), అవిష్క (9),  ఒషాడా (2),  కుశాల్‌ పెరీరా (7) వికెట్లను నష్టపోవడంతో టీమిండియా 26 పరుగులకే నాలుగు వికెట్లు నష్టపోయి కష్టాల్లో పడింది. ఈ దశలో మాథ్యూస్, ధనంజయ వీరిద్దరూ శ్రీలంక జట్టును ఆదుకున్నారు. వీరిద్దరూ 68 పరుగులు జోడించడంతో లంక జట్టు 94/4 పరుగుల వద్ద నిలిచింది. ఈ దశలో మాథ్యూస్(31) పెవిలియన్ చేరడంతో 5 వికెట్ నష్టపోయింది.

ఆ తరువాత ధనంజయ 31 బంతుల్లోనే  అర్ధ సెంచరీ పూర్తి చేసినా అతనికి సహకారం అందించే ఆటగాళ్లు కరువయ్యారు. 57 పరుగులు చేసిన ధనంజయ జట్టు స్కోరు 122 పరుగుల వద్ద 9వ వికెట్ కు వెనుదిరిగాడు. ఆ వెంటనే మలింగా(0) పెవిలియన్ చేరడంతో లంక జట్టు 123 పరుగులకు ఆలౌట్ అయింది. షైనీ 3 మూడు వికెట్లు తీయగా ఠాకూర్, సుందర్ చెరో 2 వికెట్లు తీశారు. బుమ్రా ఒక వికెట్ తీశాడు. 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle