టీం ఇండియాకు షాక్... మళ్ళీ జరిమానా

03-02-202003-02-2020 17:38:31 IST
2020-02-03T12:08:31.210Z03-02-2020 2020-02-03T12:08:29.113Z - - 12-04-2021

ఐదు మ్యాచ్ ల టీ20 సిరీస్ గెలుచుకున్న సత్తా చాటింది టీం ఇండియా. అయితే టీం ఇండియా ఆటగాళ్ళకు మాత్రం జరిమానాలు తప్పడం లేదు. న్యూజిలాండ్‌తో నాలుగో టీ20లో  ఆలస్యంగా బౌలింగ్‌ చేసినందుకు టీం ఇండియా ఆటగాళ్ల మ్యాచ్‌ ఫీజులో 40శాతం కోత పడింది.  తాజాగా ఆదివారం జరిగిన ఐదో టీ20లో స్లో ఓవర్‌రేట్‌ కారణంగా మళ్లీ 20శాతం జరిమానా విధించారు. 

నిర్ణీత సమయంలో భారత్‌ ఒక ఓవర్‌ తక్కువగా వేయడంతో మ్యాచ్‌ రెఫరీ క్రిస్‌ బ్రాడ్‌ జరిమానా విధిస్తూ నిర్ణయం ప్రకటించాడు. ఐదో టీ20లో టీమ్‌ఇండియాకు నాయకత్వం వహించిన రోహిత్‌ శర్మ.. రెఫరీ విధించిన ఫైన్‌ను అంగీకరించక తప్పలేదు. హాఫ్ సెంచరీ పూర్తయ్యాక కండరాలు పట్టేయడంతో రోహిత్‌ రిటైర్డ్‌హర్ట్‌గా వెనుదిరిగాడు. కివీస్‌ లక్ష్య ఛేదనలో  రోహిత్‌ మైదానంలో ఫీల్డింగ్‌కు రాకపోవడంతో కేఎల్‌ రాహుల్‌  కెప్టెన్‌గా వ్యవహరించాడు.

న్యూజిలాండ్‌ గడ్డపై టీమ్‌ఇండియా టీ20  సిరీస్‌ దక్కించుకోవడం ఇదే తొలిసారి. భారత్‌, కివీస్‌  మధ్య బుధవారం నుంచి వన్డే సిరీస్‌ ప్రారంభం అవుతోంది. కండరాలు పట్టేయడంతో న్యూజిలాండ్‌ పర్యటన నుంచి రోహిత్‌ ఔటవడం అభిమానులను కలవరపెడుతోంది. రోహిత్‌ పూర్తి ఫిట్‌గా లేడు. ఫిజియో సూచన మేరకు రోహిత్‌కు విశ్రాంతి అవసరం’ బీసీసీఐలోని సీనియర్‌ అధికారి ఒకరు తెలిపారు. దీంతో రోహిత్ బాదుడు వచ్చే వన్డేల్లో కనిపించకపోవచ్చు.