newssting
BITING NEWS :
*మంగళగిరి ఎమ్మెల్యే ఆళ్ల రామకృష్ణారెడ్డి కార్యాలయంలో భారీ చోరీ*పాకిస్తాన్‌లో హైదరాబాద్‌ వాసి అరెస్ట్‌...అరెస్ట్‌ అయిన వ్యక్తి ప్రశాంత్‌ గా గుర్తింపు* రాజమండ్రి రైల్వేస్టేషన్ సమీపంలో పట్టాలు తప్పిన గూడ్స్ రైలు*ఇవాళ సమ్మెపై తుది నిర్ణయం.. జడ్జిమెంట్‌ కాపీ చూశాక తుది నిర్ణయం.. సమ్మె యథాతథంగా కొనసాగుతుంది.. సడక్‌బంద్, రాస్తారోకోలు మాత్రం వాయిదా-అశ్వత్థామరెడ్డి*దీక్ష విరమించినా ఆర్టీసీ జేఏసీ ఆందోళన కొనసాగుతుంది-కోదండరాం*ఆర్టీసీ సమ్మెపై విచారణ ముగించిన హైకోర్టు *హైకోర్టుకు కొన్ని పరిమితులుంటాయి.. పరిధిదాటి ముందుకు వెళ్లలేం.. కార్మికశాఖ చూసుకుంటుంది.. 2 వారాల్లో సమస్య పరిష్కరించాలని సూచిస్తాం-హైకోర్టు

ఐపీఎల్‌లో జాతీయ గీతాలాపన.. విదేశాల్లో మ్యాచ్‌లు...నెస్ వాడియా సలహా

08-11-201908-11-2019 12:45:47 IST
2019-11-08T07:15:47.130Z08-11-2019 2019-11-08T07:15:36.842Z - - 19-11-2019

ఐపీఎల్‌లో జాతీయ గీతాలాపన.. విదేశాల్లో మ్యాచ్‌లు...నెస్ వాడియా సలహా
facebooktwitterGooglewhatsappwhatsappGoogle
పది మంది ఒక చోట చేరితే అక్కడ జాతీయ గీతాలాపన చేస్తున్నారు. సుప్రీం కోర్టు ఆదేశాల మేరకు గత కొన్ని నెలలుగా జాతీయ గీతాలాపన జరుగుతోంది. ఇప్పుడు ఐపీఎల్‌లో కూడా ప్రతి మ్యాచ్‌ ముందు జాతీయ గీతాన్ని ఆలపించాలనే వాదన ఒకటి బయటికొచ్చింది. గతంలోనే ఒకసారి ఈ తరహా ప్రతిపాదన బీసీసీఐ ముందుకు వచ్చినా అప్పుడు కార్యరూపం దాల్చలేదు. ఇప్పుడు మరోసారి అలాంటి ప్రతిపాదన బీసీసీఐ అధ్యక్షుడు సౌరవ్‌ గంగూలీ ముందుకు వచ్చింది. కింగ్స్‌ ఎలెవన్‌ పంజాబ్‌ సహ యజమాని నెస్‌వాడియా ఈ ప్రతిపాదన తీసుకొచ్చాడు. 

ఐపీఎల్‌ సిరీస్‌కు ముందు జరిగే వేడుకల విషయంలోనూ నెస్‌వాడియా స్పందించాడు. వాటి రద్దు సరైన చర్య అని ఆయన అన్నాడు.  ‘‘ఐపీఎల్‌లో ప్రారంభోత్సవ వేడుక అవసరం లేదు. ఇన్నాళ్లూ అసలు ఈ వేడుక అవసరమా అని ఆలోచిస్తూ ఉండేవాడిని.

ఇన్నాళ్లకు బీసీసీఐ ఈ నిర్ణయం తీసుకుంది. ఇదే క్రమంలో  బీసీసీఐ మరో పని చేయాలి. ఐపీఎల్‌లో ప్రతి మ్యాచ్‌ ముందు జాతీయ గీతాలాపన చేయించాలి. ఈ విషయమై గతంలోనూ నేను బీసీసీఐకి లేఖ రాశాను. ఇప్పుడు మరోసారి సౌరవ్‌ గంగూలీకి రాశాను. మన జాతీయ గీతం ఆలపించి, విని,  గర్వించాలి. ఇండియన్‌ సూపర్‌ లీగ్‌, ప్రొ కబడ్డీ లీగ్‌ల్లో ప్రతి మ్యాచ్‌కు ముందు పాడతారు. ఎన్‌బీఏలోనూ జాతీయగీతం ఆలపిస్తారు’ అని నెస్‌వాడియా గుర్తు చేశాడు. 

విదేశాల్లో మంచిదే కదా..

ఐపీఎల్‌ జట్ల మధ్య విదేశాల్లోనూ ఐపీఎల్‌ నిర్వహించాలనే ఆలోచన సరైందన్నాడు నెస్‌వాడియా. ‘‘ఐపీఎల్‌ భారతదేశ లీగ్‌ అయినా విదేశాలకు విస్తరిస్తే ఇంకా బాగుంటుంది. ఇది క్రికెట్‌కు, బీసీసీఐకీ ప్రయోజనకరం. ప్రపంచవ్యాప్తంగా ఉన్న ప్రముఖ ఫుట్‌బాల్‌ లీగ్‌లను పరిశీలిస్తే ప్రతి సీజన్‌కు ముందు వారు విదేశాల్లో స్నేహపూర్వక మ్యాచ్‌లు ఆడతారు. దీనివల్ల మ్యాచ్‌లు చూసేవారి సంఖ్య పెరుగుతుంది. తద్వారా ఐపీఎల్‌ విలువ కూడా పెరుగుతుంది. కాబట్టి విదేశాల్లో మ్యాచ్‌ల విషయంలో ఇతర క్రీడాలీగ్‌లను అనుసరించడం మంచి ఆలోచన. తాజాగా ఎన్‌బీఏ సైతం భారత్‌, చైనా విస్తరించిన విషయం గుర్తుంచుకోవాలి. ఇక్కడ ఉన్న సమస్యల్లా ప్రణాళికలను పక్కాగా రూపొందించడం, ఆటగాళ్లను అందుబాటులో ఉంచుకోవడం. అక్కడే బీసీసీఐ పాత్ర అవసరం’’ అని నెస్‌వాడియా చెప్పాడు. 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle