ఎంఎస్ ధోనీ బయోగ్రఫీ హీరో సుశాంత్ రాజ్ పుత్ ఆత్మహత్య

14-06-202014-06-2020 19:40:40 IST
Updated On 14-06-2020 20:05:35 ISTUpdated On 14-06-20202020-06-14T14:10:40.100Z14-06-2020 2020-06-14T14:09:46.151Z - 2020-06-14T14:35:35.440Z - 14-06-2020

ఎంఎస్ ధోనీ ఆత్మకథ హీరో సుశాంత్ సింగ్ రాజ్ పుత్ బలవన్మరణానికి పాల్పడడం దేశవ్యాప్తంగా సంచలనంగా మారింది. ముంబైలోని తన ఇంట్లో ఆదివారం ఫ్యాన్‌కు ఉరి వేసుకుని ఆత్మహత్యకు పాల్పడడంతో కలకలం రేగింది. సుశాంత్ ఎందుకు ఉరివేసుకున్నాడో కారణాలు తెలియరాలేదు. కాగా గత ఆరు నెలలుగా సుశాంత్‌ మానసిక ఒత్తిడితో బాధపడుతున్నట్లు పోలీసుల ప్రాథమిక విచారణలో వెల్లడైంది. 

బుల్లితెరపై వ్యాఖ్యాతగానూ మంచి పేరు సొంతం చేసుకున్నారు. ఆయన చివరిగా నటించిన చిత్రం ‘దిల్‌ బేచారా’. ‘కోయ్‌ పో చి’తో కెరీర్‌ను ఆరంభించిన సుశాంత్‌ ఆ తర్వాత ‘శుద్ధ్‌ దేశీ రొమాన్స్‌’, ‘పీకే’, ‘డిటెక్టీవ్‌ బొమ్‌కేష్‌ బక్షి’, ‘ఎం.ఎస్‌.ధోనిః ద అన్‌టోల్డ్‌ స్టోరీ’, ‘రాబ్టా’, ‘వెల్‌కమ్‌ న్యూయార్క్‌’, ‘కేదార్‌నాథ్‌’, ‘సోంచారియా’, ‘చిచ్చోర్‌’, ‘డ్రైవ్‌’ తదితర చిత్రాల్లోసుశాంత్ వయసు 34 ఏళ్ళే.

సుశాంత్‌ మరణవార్త విని ఆయన మాజీ ప్రేయసి, నటి అంకితా లోఖండే షాక్‌కు గురయ్యారు. ఓ మీడియా సంస్థ అంకితకు ఫోన్‌ చేసే చెప్పేంతవరకు సుశాంత్‌ మరణ వార్త ఆమెకు తెలియదట. మీడియా ప్రతినిధి ఫోన్‌ చేసి విషయం చెప్పగానే.. ఏంటి అని షాకయ్యారు. ఆ తర్వాత ఫోన్‌ పెట్టేసినట్లు తెలుస్తోంది.సుశాంత్‌ ఆత్మహత్య వార్తతో బాలీవుడ్‌ ఒక్కసారిగా షాక్‌కు గురైంది. ఈ వార్త తమకు షాక్‌కు గురి చేసిందని, సుశాంత్‌ ఆత్మకు శాంతి చేకూరాలని బాలీవుడ్‌, టాలీవుడ్‌ చెందిన పలువురు ట్వీట్‌ చేశారు.

సుశాంత్ సింగ్ ద‌గ్గర మేనేజ‌ర్‌గా ప‌ని చేసిన దిశ స‌లియా కొద్దిరోజుల క్రితమే ఆత్మ‌హ‌త్య‌కు పాల్ప‌డిన సంగతి తెలిసిందే. . ముంబైలో త‌న ‌భ‌వ‌నంలోని 14వ అంత‌స్థు పైనుంచి దూకింది. తీవ్ర ర‌క్తస్రావ‌‌మైన ఆమెను వెంట‌నే బొరివ‌లిలోని ఆస్ప‌త్రికి త‌రలించగా.. అప్ప‌టికే మృతి చెందింది. తాజాగా సుశాంత్ ఆత్మహత్య మిస్టరీగా మారింది.

నటుడు రాజశేఖర్, అల్లు అర్జున్ , క్రికెటర్లు భువనేశ్వర్ కుమార్ సుశాంత్ ఆత్మహత్య వార్త విని తీవ్ర ఆవేదనకు లోనయ్యామని, అతని మృతికి సంతాపం తెలుపుతూ ట్వీట్ చేశారు

లోకేష్ దిగ్భ్రాంతి 

యువ హీరో సుశాంత్ సింగ్ మరణ వార్త విని షాక్ కు గురయ్యాయని తెదేపా జాతీయ ప్రధాన కార్యదర్శి నారా లోకేష్ అన్నారు. బాలీవుడ్ ఓ యువ నటుడిని కోల్పోయిందని .. సుశాంత్ ఆత్మహత్య తనను తీవ్రంగా కలచివేసిందని ట్వీట్ చేశారు. ఆయన కుటుంబానికి తన ప్రగాఢ సానుభూతిని తెలిపారు.