ఆ లక్కీ ఛాన్స్ ను సొంతం చేసుకున్న YUPPTV..!

18-09-202018-09-2020 09:35:42 IST
2020-09-18T04:05:42.957Z18-09-2020 2020-09-18T04:05:40.208Z - - 15-04-2021

క్రికెట్ అభిమానులు ఎప్పుడెప్పుడా అని ఎదురు చూస్తున్న ఐపీఎల్-2020 మహా సంగ్రామం ఇంకొన్ని గంటల్లో మొదలుకాబోతోంది. ఇప్పటికే టెలీకాస్ట్ చేసే ఛానల్స్ ప్రకటనల మీద ప్రకటనలు గుప్పిస్తూ వస్తున్నాయి. ఐపీఎల్ సమయంలో కాసుల వర్షం పక్కా అని ఛానల్స్ యాజమాన్యాలు ఎంతో ధైర్యంగా ఉన్నాయి. ఇక ఓటీటీలో కూడా ఐపీఎల్ ప్రసారం కోసం పలు సంస్థలు పోటీ పడ్డాయి. చివరికి ఆ హక్కులు యప్ టీవీ సొంతమయ్యాయి.

ప్రముఖ ఓటీటీ ఫ్లాట్‌ఫామ్‌ యప్‌ టీవీ ఐపీఎల్‌ 13వ సీజన్‌ ప్రసార హక్కులను సొంతం చేసుకుంది. మొత్తం 60 మ్యాచ్‌లకు డ్రీమ్ 11 ఇండియన్ ప్రీమియర్ లీగ్ 2020 హక్కులను సొంతం చేసుకుంది.

ఆస్ట్రేలియా, కాంటినెంటల్ యూరప్, మలేషియా, సౌత్ ఈస్ట్ ఆసియా (సింగపూర్ మినహా), శ్రీలంక, నేపాల్, భూటాన్, మాల్దీవులు, మధ్య ఆసియా, మధ్య మరియు దక్షిణ అమెరికా తదితర చోట్ల ఐపీఎల్‌ మ్యాచ్‌లను యప్‌టీవీ ప్రత్యక్ష్య ప్రసారం చేయనుంది.

“గత కొన్నేళ్లుగా, ఐపీఎల్ దేశంలో అత్యంత ప్రియమైన క్రికెట్ టోర్నమెంట్‌గా మారింది. లాక్‌డౌన్‌ మధ్య, ఇది ప్రేక్షకులలో కొత్త సంచలనం, ఆశావాదం మరియు వ్యామోహానికి దారి తీస్తుంది. ఐపీఎల్ ప్రత్యక్ష అనుభవం రద్దీగా ఉండే స్టేడియాలకు బదులుగా వారి ఇళ్ల నుండి, అంకితమైన టెక్నాలజీ వీక్షణ అనుభవం మరియు తక్షణ వర్చువల్ అనుభవం అభిమానుల కోసం ఈ సంవత్సరం టోర్నమెంట్‌ను మెరుగుపరుస్తాయి, ఈ ప్రసార హక్కులు యప్ టీవీ ప్రేక్షకుల సంఖ్యను పెంచడానికి దోహదపడుతుంది.” అని యప్ టీవీ వ్యవస్థాపకుడు మరియు సిఇఒ ఉదయ్ రెడ్డి మీడియాకు తెలిపారు.

సెప్టెంబర్ 19న ఐపీఎల్ మొదలు కాబోతోంది. ముంబై ఇండియన్స్, చెన్నై సూపర్ కింగ్స్ తో తలపడనుంది. సాయంత్రం 7:30 నిమిషాలకు స్టార్ స్పోర్ట్స్ నెట్ వర్క్ లో ఐపీఎల్ ను ప్రత్యక్ష ప్రసారం చేయనున్నారు. ముంబై ఇండియన్స్ జట్టు 4 సార్లు ఐపీఎల్ టైటిల్ ను కైవసం చేసుకోగా.. చెన్నై సూపర్ కింగ్స్ జట్టు మూడు సార్లు టైటిల్ నెగ్గింది. గత ఏడాది ఐపీఎల్ ఫైనల్ ముంబై, చెన్నై మధ్య జరిగిన సంగతి తెలిసిందే..!