అశ్వినీ నాచప్ప సందేశం. ఇంటిని వదలి రావద్దు

06-04-202006-04-2020 16:19:59 IST
Updated On 06-04-2020 16:42:14 ISTUpdated On 06-04-20202020-04-06T10:49:59.461Z06-04-2020 2020-04-06T10:49:42.864Z - 2020-04-06T11:12:14.641Z - 06-04-2020

కరోనా వ్యాప్తిని నిరోధించేందుకు ప్రభుత్వం విధించిన లాక్ డౌన్ నిర్ణయాన్ని సమర్ధించారు మాజీ ట్రాక్ అండ్ ఫీల్డ్ అథ్లెట్ అశ్వినీ నాచప్ప. రోజురోజుకీ పెరిగిపోతున్న కేసుల నేపథ్యంలో ప్రభుత్వం సమర్ధంగా పనిచేస్తోందన్నారు. ఎవరూ లాక్ డౌన్ అతిక్రమించి బయటకు రావద్దని తగిన జాగ్రత్తలు తీసుకోవాలని ఆమె కోరారు. ప్రభుత్వ  సూచనలను క్రమం తప్పకుండా పాటించాలని అశ్వినీ నాచప్ప సూచించారు. కరోనా మహమ్మారిని పారద్రోలేందుకు ప్రతి ఒక్కరూ ముందుకు రావాలన్నారు. స్టే హోం.. స్టే సేఫ్ అంటూ ఆమె సందేశం ఇచ్చారు. కరోనా బాధితులను ఆదుకోవడంలో క్రీడాకారులు కూడా తమవంతు సాయం చేస్తున్నారు.

కరోనా మహమ్మారి వ్యాప్తి నేపథ్యంలో సోమవారం కేంద్ర కేబినెట్‌ పలు కీలక నిర్ణయాలు తీసుకుంది. ప్రధాని నరేంద్ర మోదీ సహా కేంద్ర మంత్రులు, ఎంపీల వేతనాల్లో ఏడాదిపాటు 30 శాతం కోత విధించాలని నిర్ణయించారు. రెండేళ్ల పాటు ఎంపీ లాడ్స్‌ నిధులు నిలిపివేయాలని నిర్ణయం​ తీసుకున్నారు. మరోవైపు తమ వేతనాలను తగ్గించేందుకు రాష్ట్రపతి, ఉపరాష్ట్రపతి అంగీకరించారు. వేతనాల కోత ద్వారా సమకూరిన నిధులను కన్సాలిడేషన్‌ ఫండ్‌కు జమ చేస్తామన్నారు. సచిన్, విరాట్, ధోనీ తరహాలోనే బీజేపీ ఎంపీ గౌతమ్‌ గంభీర్‌ తన ఉదారతను చాటుకున్నారు.

కరోనా బాధితులకు సాయం చేయడానికి భారీ విరాళం ప్రకటించారు. కరోనాపై భారత్‌ చేస్తున్న పోరాటానికి దాతలు చేయూతనివ్వాలని శనివారం ప్రధాని నరేంద్రమోదీ కోరిన విషయం తెలిసిందే. ఇందుకు కొత్తగా పీఎం కేర్స్‌ ఫండ్‌ ఏర్పాటు చేసిన సంగతి తెలిసిందే. ఎంపీగా తనకు వచ్చే రెండేళ్ల వేతనాన్ని పీఎం కేర్స్‌ ఫండ్‌కు విరాళంగా అందించేందుకు ముందుకు వచ్చాడు. కరోనా సహాయక చర్యల్లో, బాధితులకు చేయూత నివ్వడంలో పీవీ సింధు, సైనా నెహ్వాల్, సానియా మీర్జా, మేరీకోం తమ ప్రత్యేకత చాటుకుంటున్నారు.